21.12.10

POSTAL GAÑADORA


Esta postal de Nadal feita por Alba Romero Fernández de 2º B foi a gañadora no concurso de postais convocado pola Asociación Cambados Zona Centro. Noraboa a Alba e ó seu curso.

23.11.10

"SPINDERELLA" teatro en inglés (2º Ciclo Primaria)

O luns 22 os nenos do 2º ciclo fomos a Pontevedra a ver a obra de teatro en inglés "Spinderella" no Auditorio de Caixanova. Foi moi divertida. Ó rematar aproveitamos para dar un paseo pola zona vella da cidade. Merendamos na Praza da Ferrería e alí dímoslle de comer ás palomas. Logo pasamos por varias prazas máis (a da Verdura, a da Leña, a da Pedreira, a das Galiñas, a do Teucro..) ata chegar á Basílica de Sta. María. Desde alí fomos a Alameda onde nos esperaba o autobús. Tivemos sorte que non nos choveu.


19.11.10

Actividades lim

Unhas actividades para entreterse nesta fin de semana marabillosa de choiva e vento. Xa veremos canto sabedes da nosa localidade. Lembrade, as dúbidas podedes resolvelas no conto da rata Luisa ou percorrendo o mesmo camiño que fixo ela coa familia. Esperamos que vos guste!!!!

17.11.10

A rata Luisa visita Cambados

Ola a todos e todas, grandes e pequenos. Como moitos xa coñecedes, o profesor Mon escribiunos, ilustrounos e fotografiounos un conto precioso sobre a familia de ratos máis famosa de Galicia. Trouxo á rata Luisa coa familia a Cambados para axudarnos no estudo da localidade. Segurísimo que ainda nos vai dar algunha que outra sorpresa máis, pois xa sabedes que Mon é espléndido. Para que todos o teñades, o autor do conto "A RATA LUISA VISITA CAMBADOS" permitiunos poñer aquí todo o libro para que o imprimades se queredes. Dentro de pouco contaremos con exemplares na biblioteca. Disfrutade del.

Rata Luisa en Cambados

15.11.10

CELEBRAMOS O MAGOSTO


O luns o tempo deixounos celebrar o noso magosto. Visitounos o "mestre asador" Juan que, para non perder as mañas, alí estuvo a remexer nas castañas ata que acadaron o punto xusto de asado. Gracias profe por seguir lembrándote de nós.
Houbo xogos, música e moitas castañas pero o máis novidoso foi que este ano contamos coa actuación en vivo e en directo de "OS XEITOSIÑOS" (e algúns artistas máis acompañantes) que a modo de pasarrúas ambientaron a festa coa súa música tradicional galega. Con todos estes ingredientes a celebración tiña que ser un éxito.

10.11.10

EXPOSICIÓN MANUALIDADES DE OUTONO

Coma sempre en San Tomé que se pide colaboración ás familias para elaborar algún traballo, a participación foi enorme e de moitísima calidade. Hai verdadeiras marabillas. Valoramos tamén moito os traballos que sin quedar tan lucidos vese que foron feitos polos rapaces practicamente sos.
Moitas gracias a todos.

4.11.10

TRABALLAMOS O MAGOSTO


Unidade didáctica de Félix Pimentel e Dolores Iglesias feita en Jclic.

RECURSOS RECOLLIDOS POLA BIBLIOTECA MESTRES GOLDAR
Adiviñas da castaña
Ditos e refráns
Máis refráns
A castaña que rebentou de risa (Conto)
A castaña que rebentou de risa (Conto e actividades para imprimir)

31.10.10

FESTA DE SAMAÍN - HALLOWEEN


O venres 29 celebramos en San Tomé a nosa particular festa de Samaín - Halloween.
Agradecemos moitísimo tanto ós rapaces coma as familias a gran participación que houbo na exposición de cabazas, que cada ano son máis orixinais e traballadas.







O cole encheuse de bruxas, pantasmas, vampiros e monstros en xeral...
Ademais das distintas actividades que se realizaron en cada aula, desde a área de Inglés organizáronse xogos, cancións, bailes así como a decoración dos pasillos cos traballos dos nenos. Desde Música preparáronse dúas actuacións cos rapaces de 5º e 6º que andiveron interpretando por distintos rincóns do colexio e que ambientaron perfectamente o día.

19.10.10

RUTA " PASTORA - UMIA " (1º Ciclo Primaria)

O primeiro día de outubro, os nenos e nenas de 1º e 2º, collemos as mochilas coa merenda e fomos facer a ruta de senderismo “Pastora-Umia”.
Visitamos o monte da Pastora e vimos cómo o outono fai que as árbores e plantas muden o seu aspecto.
As cores das follas cambian, e, pouco a pouco caen, deixando espidas as nosas árbores.
O profe Mon explicounos un montón de cousas, e ata nos fixo unha coroa cunhas follas.
Tamén camiñamos pola beira do río Umia e vimos un corvo mariño comendo un gran peixe!
Tanto camiñamos... pero pasámolo moi ben e aprendimos moitas cousas, polo que animamos a todos os nenos e nenas a meter o bocadillo na mochila e descubrir novos camiños.
Un saúdo e ata a próxima!










18.10.10

VISITAMOS UNHA GOLETA (1º Primaria)

Un día as profes nos dixeron: “nenos: o día 7 de outubro, visitaremos unha “goleta” no porto de Tragove.”
Unha goleta?, que será eso?
Pois nada, o xoves os nenos e nenas de 1º, puxémonos en ruta e logo dunha longa camiñada, vimos un bonito barco chamado “Raquel C”, si, si, “Raquel C”.
Unha vez embarcamos, explicáronnos como aquel barco sucaba os mares izando aquelas veas tan bonitas e altas…
Mostráronnos os camarotes, a cuberta e ata manexamos o temón.
Cómo nos gustou esta aventura e o mellor de todo é, que agora somos auténticos grumetes!





8.10.10

MANUALIDADES DE OUTONO















Fai clic nestas imaxes para seguir os pasos